ჩვენი ისტორია და მისია

Camp Orange არის YMCA Georgia-ს ახალგაზრდული ბანაკი, რომელიც 2015 წლიდან აქტიურად ქმნის სივრცეს, სადაც ბავშვები და მოზარდები იზრდებიან, ძლიერდებიან და საკუთარ შესაძლებლობებს აღმოაჩენენ. წელს უკვე მე-11 სეზონს ვიწყებთ - გამოცდილებით, ტრადიციებითა და ათასობით მოგონებით, რომელიც Camp Orange-ის ისტორიას ყოველდღიურად აგრძელებს.

ჩვენი ბანაკი მდებარეობს შეკვეთილის მახლობლად, ფორთოხლის პლანტაციაში, ზღვიდან დაახლოებით 4 კილომეტრის მოშორებით. Camp Orange-ის სივრცე თავიდანვე შეიქმნა სპეციალურად საბანაკედ - სრულად იზოლირებული, ბუნებასთან ახლოს და უსაფრთხო გარემოში, სადაც ბავშვებს შეუძლიათ თავისუფლად მოძრაობა, თამაში, აღმოჩენა და განვითარება.

უსაფრთხოება Camp Orange-ის უმთავრესი პრიორიტეტია. გვჯერა, რომ ბავშვის ფიზიკური და ემოციური დაცულობა მხოლოდ წესებით არ იქმნება - ის იქმნება ყოველდღიური ყურადღებით, ინკლუზიური გარემოთი, დეტალებზე ორიენტირებითა და ორგანიზაციული კულტურით. სწორედ ამიტომ, ჩვენი ინფრასტრუქტურა და პროგრამა შექმნილია საერთაშორისო უსაფრთხოების სტანდარტების გათვალისწინებით, ხოლო გუნდი მუდმივად ზრუნავს იმაზე, რომ თითოეულ მონაწილეს ჰქონდეს დაცულობის, მხარდაჭერისა და კუთვნილების განცდა.